Trajneri i Tiranës, Emmanuel Egbo, ka folur pas humbjes së skuadrës së tij 0-2 ndaj Apolonisë. Golat e sfida të zhvilluar në “Selman Stermasi” u shënuan në pjesën e dytë me anë të Marjel Sotës dhe Stefano Omerit.
Në fund të ndeshjes për “RTSH Sport”, trajneri Emanuel Egbo u shpreh:
“Ndeshja sot ishte për të parë të gjithë lojtarët që kemi në dispozicion. Ndeshjen tjetër do të kemi ide me të qartë dhe nuk jam I mërzitur për rezultatin. Këto sfida bëhen për të parë se çfarë duam apo edhe çfarë nuk duam. Lojtarët që vijnë nga akademia dhe ata ganez nuk mund t’i gjykoj me dy paraqitje, por do t’i shikoj në vazhdimësi.
Deri kur të mbyllet merkato do të flasim nëse janë përmbushur kërkesat e mia apo jo. Kemi bazën e skuadrës dhe sot kemi bërë eksperimente. Kur të kemi ndeshje zyrtare do të fusim 11-shen më të mirë dhe mund të ketë pak ndryshime”.
Rivali më i fortë i sezonit? “Të gjithë janë skuadra të forta dhe pamë Apoloninë që ka një ekip të mirë e me lojtarë të rinj. Kjo është pozitive për kampionatin pasi ka shumë skuadra të forta”.
