Lewis Hamilton ka regjistruar kohën më të shpejtë në provat zyrtare të Çmimit të Madh të Toskanës në Itali.
Vendi i dytë për Valtteri Bottas, vetëm 59 të mijtat më ngadalë se britaniku ndërsa podiumin e mbyll piloti I Red Bull, Max Verstappen.
Pozitive mund të quhet vendi i pestë për Charles Leclerc duke parë vështirësitë e mëdha të Ferrarit në garat e fundit. Ndërkohë një tjetër zhgënjim për pilotin tjetër të kokëkuqes, Sebastian Vettel që do ta nisë garën nga vendi i 14-të.
Kjo është hera e parë që makinat e F1 garojnë në këtë Çmim të Madh ndërsa kjo pistë njihet për garat e Moto GP.
