Modelja me sindromën Down e ‘Gucci-t’ po bënë namin në rrjete sociale

Shtëpia e modës Gucci përballet shpesh me kritika sa i përket zgjedhjeve që bën për të përfaqësuar të bukurën. Ditët e fundit një tjetër imazh i kësaj kompanie lider është edhe 18-vjeçarja, Ellie Goldstein e cila punon si modele në kompani të ndryshme.

Ajo është me të vërtetë e bukur dhe jo vetëm për t’u parë. Vajza me sindromën Down përcjell vetëm pozitivitet me buzëqeshjen e saj të ëmbël. Qartazi dallohet arsyeja se pse është imazhi i përzgjedhur nga Gucci.

“Xhirimet shkuan vërtet shumë mirë. Unë kam provuar aksesorë të ndryshëm, veshje të shumta. E dashuroj këtë. Jam e mahnitur që kjo më ndodhi mua”, ka thënë bukuroshja e emocionuar dhe falenderuese rreth asaj që po i ndodh.

Imazhet  e Ellie postuar në faqen zyrtare të Gucci-t në instagram kanë arritur plot 863 mijë pëlqime, që tregon se 18-vjeçarja është  pëlqyer shumë nga shikuesit.