Mjeku infeksionist Pëllumb Pipero i ftuar në “Zonë e Lirë” i është përgjigjur pyetjes se edhe sa vite do të bashkëjetojmë me koronavirusin dhe nëse i duhet besuar vaksinimit masiv.
“NJë vit e gjysmë. Totalisht do zgjasi 2-2 vite e gjysmë. Nëse virusi pëson mutacion, mund të ketë ndryshime të tjera. Në fund të vitit tjetër mund të ketë vaksinë, ndaj do vihet nën kontroll virusi. Ankthi është aleati më i madh i këtij virusi.
Kjo sëmundje ka shumë të papritura, sikundër mund të bëjë infarkt miokardi… Unë mund t’iu them eksperiencën me një pacient tim, i cili shkroi amanet dhe tentoi edhe tek ne (vetëvrasjen).
Këshilla ime e vetme është që të mos e përjetojnë sëmundjen si një dramë, por si një sëmundje e zakonshme brenda të jashtëzakonshmes së saj. Të mos bien në panik, të mos kenë frikë.
Bashkë me mjekun mund ta kalojmë shumë më lehtë sëmundjen. Kam qenë dhe do jem kundër një mbyllje të dytë, kundër një karantinimi të dytë. Unë mbylljen nuk e quaj zgjidhje, do jem kundër saj derisa kohë të pyetem a të flas”, tha Pipero.
