Kategoria Superiore nuk do të zhvillohet sipas kalendarit të paracaktuar ndërsa fillimi I sezonit 2020/2021 është shtyrë për një datë të pacaktuar.
Gjithçka është e miratuar edhe me vendim të Komitetit Ekzekutiv pas kërkesës së Ligës Profesioniste të futbollit ndërsa ky vendim duket se ka ndikuar edhe në kategoritë e tjera të futbollit.
Kategoria e Parë është caktuar që të fillojë me 19 shtator, mirëpo me gjasë pritet që edhe kjo kategori të shtyhet. Për të gjitha kategoritë, pritet që vendimmarrja të jetë e njëjtë me çfarë është vendosur nga elita e futbollit.
Duke qenë se Kategoria Superiore po proteston për ndërhyrje të qeverisë për të ndihmuar sportin, atëherë në të njëjtën vijë, FSHF do të vendosë edhe për ligat e tjera.
