Matthew Hughes, i akuzuar për grabitjen e banesës së këngëtarit Eminem, ditën e djeshme ka dalë para gjykatës dhe është përballur me akuzat. I riu është shprehur para trupës gjykuese se kishte si qëllim vrasjen e reperit, prandaj kishte hyrë në banesën e tij.
Ndërkohë Hughes pasi ka dëshmuar është shpallur fajtor dhe është dënuar për shkatërrim prone dhe hyrje me forcë në banesë.
Oficeri i policisë Adam Hackstock, që është marrë me këtë çështje dëshmoi sot në gjykatë dhe tha se Eminem në fillim kishte menduar se po sulmohej nga nipi i tij, por më pas kishte vënë re se po grabitej nga Hughes. Grabitja ka ndodhur gjatë muajit prill, ku reperi u përlesh me grabitësin dhe më pas e dorëzoi atë tek oficerët e policisë.
Në bazë të njoftimit të policisë mësohet se 26-vjeçari Matthew David Hughes u arrestua në 6 prill pasi shkatërroi shtëpinë e reperit që ndodhet në një komunitet të mbyllur, vetëm për ta vrarë atë.
