Ish-korrespodenti i RTK-së në SHBA, Sulejman Gashi është ndarë nga jeta, pas një beteje të gjatë me një sëmundje të rëndë. Lajmin e kanë bërë të ditur familjarët përmes një njoftimi në rrjetet sociale.
“Me pikëllim të thellë ju njoftojmë që sot, me 11 shtator 2020, ndërroi jetë më i dashuri ynë z. Sulejman Gashi. Ai po luftonte shumë që të rikthehej nga gjendja e rëndë që kishte pësuar katër vite më parë. Varrimi i të ndjerit do të bëhët në vëndlindjen e tij në Kosovë, vendin të cilin ai e deshi aq shumë. Sulejman Gashi bëri një jetë, dhe la një vepër, me domëthënie të jashtëzakonshme për familjen, profesionin, vendin dhe kombin e tij”, thuhet në njoftim.
