Martesa nuk është në planet e së ardhmes të Drew Barrymore. Aktorja e famshme ka hequr dorë, pas tre martesave të dështuara.45-vjeçarja tha në një intervistë për People se është një romantike e pashpresë.
“Jam një romantike e pashpresë dhe të gjithë në këtë planet kanë nevojë për dashuri në njëfarë mënyre,”- rrëfeu ajo.
Ylli i “50 First Dates” është martuar tre herë deri tani. Fillimisht u martua me Jeremy Thomas nga viti 1994 deri në 1995, më pas me Tom Green nga 2001-2002 dhe më në fund me Will Kopelman nga 2012-2016, me të cilin ka edhe dy vajza, Olive, 7 vjeç dhe Frankie, 6 vjeç.
Barrymore zbuloi se kishte provuar edhe takimet online, por nuk kishte pasur fat sërish.
“E kam provuar. Shkova në disa takime. Në një rast, po prisja të shkoja në një takim dhe në kohën kur supozohej që do takoheshim, ai më shkroi se nuk mund të vinte dhe se do rrinte me miqtë e tij,”- tregoi aktorja.
Ndërsa është e hapur për takime të reja, martesa absolutisht nuk është në planet e saj.
“Kurrë! Kurrë, kurrë, kurrë. Nuk do të martohem më kurrë. Por gjithashtu mendoj se njerëzit nuk duhet ta thonë fjalë “kurrë”. Dhe unë kurrë, me gërma kapitale K-U-R-R-Ë, nuk do martohem,”- këmbënguli ajo.
