Rreth 600 kg kokainë u kapën nga dogana holandeze mbrëmjen e së martës, pas kontrollit në kontenjierët në Portin e Roterdamit.
Autoritetet holandeze kanë njoftuar se sekuestruan 18 thasë në të cilat ishin paketuar 600 kg kokainë, brenda një kontejneri.
Droga ka ardhur nga Republika Domenikane dhe ishte fshehur brenda kontejnerit i cili transportonte këpucë sportive, në një anije për transportin e mallrave, e destinuar për një kompani në Zvicër.
Sipas policisë holandeze, kompania zvicerane nuk ka lidhje me trafikun e drogës ndërsa sasia e kokainës është asgjësuar tashmë.
Autoritetet holandeze ndërkohë vijojnë hetimet për të zbardhur të gjithë skemën e këtij trafiku.
