Lidhur me arrestimet e fundit me urdhër të SPAK në radhët e gjyqësorit, përkatësisht gjyqtaren e Apelit Korçë Mimoza Margjeka, avokatin Skënder Demiraj dhe bashkëshortin e gjyqtares Arben Cara, ambasadorja amerikane tha se i mbështet ato.
“Është një gjë e mirë dhe ka ardhur koha që SPAK të jetë plotësisht funksional. Disa po përpiqen ‘ti pengojnë në punën e tyre, madje do të intimidojnë gjykatësit dhe prokurorët, por ka ardhur koha ‘tu qëndrojnë fort këtyre personave” tha ajo nga Shkodra.
