Shqipëria U-21 pret sot në “Elbasan Arena” Andorrën. Skuadra e drejtuar nga Alban Bushi ka mundësinë të zbutin zhgënjimin e Kombëtares së madhe mbrëmjen e djeshme.
Kuqezinjtë 21-vjeçarë vijnë në këtë ndeshje pas një fitoreje spektakolare 1-5 në transfertën ndaj Austrisë U21.
Pavarësisht se disa prej futbollistëve ia mori Edi Reja për në skuadrën e parë, trajneri Bushi ka në organikë emra mjaft cilësorë dhe me të ardhme, një pjesë e të cilëve stërviten e luajnë në ekipe me emër në Europë.
Për sfidën e mbrëmjes së sotme trajneri Bushi pritet të bëjë disa ndryshime në formacion, pasi pritet që nga minuta e parë të luajnë emra si Çokaj, i ardhur vetëm dje në grumbullim, Lorenzo Vila, Muçi që shënoi dy herë në Austri dhe ndoshta edhe Dobra.
