Ansu Fati ka shkruan emrin e tij në histori të kombëtares së Spanjës, me një gol të shënuar mbrëmjen e djeshme në fitoren 4-0 ndaj Ukrainës.
Në minutën e 32’, talenti i Barcelonës pasi bën një lëvizje të bukur, gjuan fort dhe shënon golin e tretë për Spanjën në ndeshjen ndaj Ukrainës për Ligën e Kombeve.
Me këtë gol, Fati futet në historinë e Spanjës, pasi bëhet lojtari më i ri në histori, vetëm 17 vjeç, që shënon për këtë kombëtare.
Pasi tërhoqi vëmendjen te Barcelona me paraqitjet e tij, tani sulmuesi 17-vjeçar të njëjtën gjë po bën edhe me kombëtaren.
