Kompania e Musk demonstron çipin brenda trurit të derrit: Synojmë kurimin e sëmundjeve tek njerëzit
Kompania e Elon Musk, “Neuralink”, ka bërë një prezantim, ku ka demostruar një çip që është vendosur në trurin e një derri.
Pajisja raportohet se është në madhësinë e një monedhe dhe pa fije.
Tre derra ishin në demonstrim në këtë eksperiment, ndërkohë njerëzit kanë parë sinjalin e neuroneve në kohë reale tek derri Gertrude, i cili ka pajisjen të instaluar në tru.
Ky çip mund të lejojë njerëzit me sëmundje neurologjike të kontrollojnë telefonat ose kompjuterët me mendjen e tyre, shprehet kompania.
Musk argumentoi se çipi mund të ndihmojë në shërimin e sëmundjes së Parkinsonit dhe dëmtimet e palcës kurrizore.
