Vetëhelmohet një 37-vjeçare me profesion ekonomiste në Sarandë. Ngjarja ka ndodhur në banesën e gruas në lagjen nr.4, ndërsa 37-vjeçarja është nisur me helikopter në gjendje të rëndë, drejt Tiranës, për mjekim te specializuar. Por, ajo nuk mundi të mbijetonte.
Burime policore bëjnë të ditur se shkak për veprimin e gruas, dyshohet se është bërë largimi drejt Italisë i vajzës së saj 12-vjeçare.
Kjo e fundit është marrë nga ish-bashkëshorti në Itali, pasi me vendim Gjykate pas divorcit i është caktuar atij kujdestaria.
“Mesditën e sotme, në Spitalin e Sarandës ka shkuar për ndihmë mjekësore shtetësia E. D., 37 vjeçe pasi kishte konsumuar lëndë të dyshuar fotoksinë. Kjo shtetase është transportuar me helikopter për ndihmë më të specializuar në Spitalin e Nënë Terezës, Tiranë, por gjatë rrugës ka ndërruar jetë. Grupi hetimor po kryen veprimet e mëtejshme në lidhje me sqarimin e rrethanave”, njoftoi policia.
