Lionel Messi nuk do të largohet nga Barcelona. Këtë lajm e ka konfirmuar vetë sulmuesi argjentinas në një intervistë ekskluzive për faqen e njohur të sportit “Goal”.
Argjentinasi ka pranuar se dëshira e tij ishte për tu larguar nga klubi por që në fund vendosi të qëndronte për të shmangur pasojat ligjore që mund ta kishin bërë ndarjen nga klubi i Barcelonës traumatike.
“Unë kurrë nuk do të shkoja në gjyq kundër klubit të zemrës sime, prandaj do të qëndroj te Barcelona”, ka thënë Messi për “GOAL” ndër të tjera.
33-vjeçari gjithashtu ka kritikuar hapur presidentin e klubit Bartromeu, lidershipin e të cilit e ka quajtur si “katastrofë”.
“Nuk isha I lumtur dhe doja të largohesha. Por nga rrethanat që janë krijuar do të qëndrojë në klub pasi nuk dua të përfshihem në një luftë gjyqësore me Barcelonën. Menaxhimi që I është bërë klubit me në krye Bartromeu është një katastrofë”, ka thënë Messi.
Breaking: Lionel Messi has announced he is staying at Barcelona in an interview with Goal.
Despite wanting to leave the Camp Nou, he didn't want to take the club to court so he decided to stay. pic.twitter.com/hvOszvfkHk
— SportsCenter (@SportsCenter) September 4, 2020
