Për të vlerësuar angazhimin në bisedimet në Uashington, mes Kosovës dhe Serbisë, presidenti Donald Trump i ka dhuruar homologut Vuçiç, në mënyrë simbolike “Çelësat e Shtëpisë së Bardhë”.
Dhurata simbolike vjen pas marrëveshjes historike ekonomike të nënshkruar mes presidentit Aleksandër Vuçiç dhe kryeministrit Avdullah Hoti, pas takimit dy ditor në Uashington dhe në praninë e Presidentit të Shteteve të Bashkuara.
Nga marrëveshja e firmosur mes Kosovës dhe Serbisë sot në Shtëpinë e Bardhë, pikat kryesore kanë të bëjnë me projekte të përbashkëta në Instraftrukturë, siç është hekurudha Prishtinë-Beograd. Po ashtu, palët janë angazhuar në njohjen reciproke të diplomave.
