Trajneri i Manchester United, Ole Gunnar Solskjaer, ka folur me superlativa për blerjen më të fundit të klubit, Donny Van de Beek.
Sipas strategut norvegjez, holandezi është një mesfushor i kompletuar dhe suksesi i tij në “Old Trafford” është i garantuar.
“Donny i ka të gjitha cilësitë për të qenë një lider në ekip. Ka cilësi të mira teknike dhe ka personalitet, duke e përforcuar ndjeshëm mesfushën tonë. Këto janë të rëndësishme për të pasur sukses te Manchester United.
Ai është një lojtar që sheh mirë hapësirat në fushë, lëvizjet e skuadrës dhe lexon ndeshjen ashtu si duhet. Kjo e bën një lojtar të kompletuar. Paraqitjet e tij në Holandë dhe Europë kanë qenë të shkëlqyera dhe mezi pres të punoj me të”, tha mes të tjerash Solskajer.
