Kategoria Superiore, është kthyer në një “oaz” për futbollin turk. Emra të shumtë të larguar në merkato, si dhe futbollistë që luajnë aktualisht në ligat turke.
Së fundmi “yeniasir.com.tr”, raporton se në radarin e klubit të Altayt, që militon në ligën e dytë ka rënë mbrojtësi i Kukësit, Obanor.
Nigeriani është piketuar nga drejtuesit e klubit turk, teksa bën pjesë në listën e dëshirave të Altayt, ndërkohë që pritet vetëm “ok”-i përfundimtar i trajnerit Ucel Ildiz, për të nisur tratativat. Largimi i Obanor do të ishte një firo e madhe për skuadrën verilindore.
