Partia Demokratike e ka konsideruar si mashtrimin e rradhës të Kryeministrit Edi Rama dhe ministres së arsimit Besa Shahini, shpërndarjen e teksteve falas për nxënësit e shkollave 9-vjeçare.
Eksperti i arsimit, Ndriçim Mehmeti, përmes një postimi në rrjetet sociale, ka publikuar foto nga tekstet që u janë shpërndarë nxënësve falas, të cilat janë të zhgarravitura dhe të katandisura si mos më keq.
“Një nga premtimet e mëdha të Kryeministrit në ikje Rama ka qenë tekste falas për të gjithë fëmijet e shkollës 9 – vjeçare.
Si çdo premtim tjetër, edhe ai për tekstet falas ishte thesht një mashtrim, tallje dhe maskaradë e Qeverisë se Rilindjes.
Znj. Shahini e përforcoi më tej “arritjen” e madhe të qeverise rilindase pak ditë më parë, kur premtoi “tekste falas deri në klasë të 7″.
Po cilat jane tekstet falas që po u shpërndahen femijeve tanë?
Ato janë thjesht tekstet e lëna nga nxënësit e klasave të larta, të zhgarravitura e të katandisura si mos më keq.
Këto libra të shpërndara në shkollat shqiptare, nga Elbasani, Tirana, Korça e kudo janë fytyra e vërtetë e librave falas për fëmijët shqiptarë”, tha Mehmeti.
