Federata Shqiptare e Futbollit ka përgënjështruar “lajmin e rremë të shpërndarë nga tre media se futbollistë të kombëtares shqiptare kanë rezultuar pozitiv në testin e COVID-19”.
“Ky lajm është i pavërtetë dhe tendencioz. Asnjë lojtar i kombëtares, pjesëtar i stafit apo anëtar i delegacionit nuk ka rezultuar pozitiv”, lexohet në deklaratën për shtyp të FSHF-së.
FSHF ka publikuar edhe rezultatet e testeve të futbollistëve të përmendur.
“I bëjmë thirrje madias të distancohet nga këto lajme të paverteta dhe nga kjo praktikë aspak profesionale”, shton FSHF në reagimin e saj.
Raportimet erdhën pasi FSHF njoftoi se nuk do te udhëtojnë me ekipin Hyen Memolla, Ylber Ramadani dhe Ardian Ismailaj, për shkak dëmtimesh.
Kombëtarja do të udhëtojë sot drejt Minskut, ku do të diskutojë takimin e parë të grupit në kuadër të Ligës së Kombëve. Shqipëria luan ndaj Bjellorusisë në 4 Shtator dhe tre ditë më pas rikthehet në “Air Albania Stadium” për tu përballur me Lituaninë, rivali tjetër i grupit C, në këtë edicion të Kupës së Kombeve.
