Pak ditë më parë, Kryeministri Edi Rama u premtoi publikisht mjekëve dhe infermierëve se do të kenë një rritje të konsiderueshme të pagave në fillim të vitit që vjen.
“Rritja e pagave do të jetë e lartë, jo 5 apo 7%, por që të jetë në mesataren e lartë të rajonit, jo një rritje që do parashikohet sot për shumë larg ne kohë, por që ta fusim në buxhetin e ri e ta bëjmë fakt që në nisje të vitit të ardhshëm”, premtoi Rama.
Lidhur me këtë premtim të kryeministrit ka reaguar mjeku Artan Koni.
“Mos bej më premtime boshe, bëje fakt të kryer, firmos një VKM… që nesër!!”, shkruan Koni.
Postimi i plotë i mjekut Artan Koni :
Edi Rama premton rritje pagash per personelin mjekesor.
1- kur ke eksod kaq te madh mjekesh, padyshim qe rrogat e atyre qe mbeten mund t’i rrisesh pa influencuar buxhetin.
2- meqe kemi eksod, perse ben premtim fushate? Pse jo qe neser? Ke me pak mjeke, buxhetin e shendetesise e ke njesoj…rriti qe neser psh.
3- çfare ndodhi me bonusin e premtuar per stafin ne vijen e pare te luftes kunder COVID, apo e perdoren ata qe shkuan me charter per t’u kuruar jashte shtetit??
Mos bej më premtime boshe, beje fakt te kryer, firmos nje VKM…qe neser !!
