Një i moshuar nga Kruja është transportuar në spital me plagë të shkaktuara nga armë zjarri. Sipas hetimeve paraprake, ai është vetëqëlluar në banesë.
“Rreth orës 08:10, dyshohet se është vetëplagosur me çifte në banesën e tij, shtetasi F. V., 78 vjeç, banues në Borizanë, Krujë, i cili ndodhet në spital, nën kujdesin e mjekëve, jashtë rrezikut për jetën”, njoftoi policia.
Grupi hetimor, nën drejtimin e prokurorisë, po kryen hetimet për zbardhjen e rrethanave të ngjarjes, shtuan të njëjtat burime, ndërsa materialet i kaluan Prokurorisë së Rrethit Krujë, për veprime të mëtejshme.
