Komisioneri për Drejtësi, Didier Reynders njoftoi në Twitter dërgimin e një letre në këtë kuadër për qeverinë e Viktor Orban.
Hungaria parashikon përjashtime nga ndalimi i hyrjes në territorin e saj, në veçanti për qytetarët e vendeve të tjera të “grupit Visegrad” (Republika Çeke, Sllovakia dhe Polonia) të cilët mund të sigurojnë një test negativ për COVID-19 brenda pesë ditëve.
“Sot, komisionerja e Punëve të Brendshme, Ylva Johansson dhe unë i dërgojmë një letër qeverisë Hungareze duke kujtuar rëndësinë e ruajtjes së integritetit të zonës Shengen dhe zbatimin e masave kufitare në mënyrë jo diskriminuese për të gjithë qytetarët dhe residentët e BE-së”, shkroi në Twitter komisioneri belg.
“Çdo masë e cila nuk respekton këto parime themelore të ligjit europian natyrisht do të duhet të tërhiqet menjëherë”, shtoi ai.
Komisionerët do të takohen me autoritetet hungareze për të marrë më shumë informacion.
“Nuk është e mundur të ketë diskriminim mbi bazën e kombësisë midis qytetarëve europianë”, theksoi një zëdhënës i Komisionit, Christian Wigand, në një konferencë të përditshme për shtyp.
