Rreth 15 grupe të Forcave të Ndërhyrjes së Shpejtë kanë zbarkuar mëngjesin e sotëm ne Krujë.
Në ndihmë të aksionit për asgjësimin e parcelave të mbjella me kanabis sativa në këtë zonë marrin pjesë edhe Policia e Tiranës dhe ajo e Krujës, raporton “News 24”.
Mësohet se forcat policore të Tiranës janë nisur dhe kontrollojnë sidomos zonat e Malësisë së Krujës dhe në Nikël.
Duhet theksuar, se sipas policisë, Kruja, Nikla dhe Ishmi janë ndër zonat ku dyshohet se janë mbjellë sasi të konsiderueshme kanabisi.
Sipas informacioneve të Ministrisë së Brendshme dhënë për “News 24”, këtë vit ka një shtim të numrit të parcelave të mbjella në qarkun e Durrësit.
