Ed Sheeran dhe bashkëshortja e tij Cherry janë bërë prindër për herë të parë. Këngëtari me famë botërore zbuloi lajmin me anë të një postimi në Instagram.
Çifti janë bërë prindër të një vajze të quajtur Lyra Antarctica Seaborn Sheeran, e cila erdhi në jetë javën e kaluar.
“Javën e kaluar, Cherry solli në jetë vajzën tonë të bukur dhe të shëndetshme Lyra Antarctica Seaborn Sheeran,”– shkroi ai.
Ndërsa shtoi: “Nëna dhe foshnja janë shumë mirë. Shpresoj që të respektoni privatësinë tonë. Shumë dashuri për ju dhe do shihemi kur të vijë koha e duhur.”
29 vjeçari arriti që ta mbante shtatzëninë të fshehtë për nëntë muaj derisa erdhi në jetë Lyra.
Ky është postimi i parë i këngëtarit në rrjetin social që nga dhjetori i vitit 2019. Në fund të vitit të kaluar ai njoftoi se do merrte disa kohë pushime nga puna dhe do fokusohej tek familja e tij.
Pavarësisht se është në qendër të vëmendjes së mediave rozë, ai e ka mbajtur shumë private marrëdhënien e tij me dashurinë e tij të fëmijërisë. Në 2018, ai njoftoi se ishin fejuar dhe në 2019 konfirmoi se ishin burrë dhe grua, por nuk dha detaje të mëtejshme.
