Mëngjesi i kësaj të hëne ka sjellë edhe normalizim të situatës në pikën e kalimit kufitar në Kapshticë. Pas dy ditësh, radha e makinave dhe e autobusëve është eliminuar.
Me hapjen e doganës në orën 06:00, kanë arritur që të kalojnë të gjithë emigrantët që kanë qenë në pritje prej ditës së djeshme, për të kaluar drejt Greqisë.
Raportohet se asnjërit prej tyre nuk i është hapur probleme për tamponin, pasi shumë qytetarë kishin shqetësimin se do i kalonte afati prej 72 orësh, apo probleme që mund të vinin nga skadimi i aplikimit online.
Kuota prej 300 personash, e vendosur nga autoritetet greke si masë mbrojtëse ndaj COVID-19, nuk është plotësuar të paktën deri në orën 08:00.
