Byroja Kombëtare e Hetimit do të çelë më 1 shtator garën për përzgjedhjen e 60 oficerëve të BKH.
Aida Hajnaj e zgjedhur mes 40 kandidatëve, pas një procesi të gjatë përzgjedhjeje si drejtuese e BKH, nesër merr detyrën dhe pritet të zhvillojë dhe një takim me prokurorët e Prokurorisë së Posaçme antikorrupsion dhe më pas të çelë garën për përzgjedhjen e 60 oficerëve të Byrosë Kombëtare të Hetimit.
BKH është një njësi e specializuar e policisë gjyqësore që heton veprat penale nën juridiksionin e Prokurorisë së Posaçme, sikurse autorizohet në ligjin për SPAK-un, 2016.
SPAK aktualisht ka të regjistruara rreth 180 dosje, apo kallëzime dhe procedime penale të regjistruara për korrupsion nga zyrtarët e lartë si dhe krime të rënda. BKH do ketë selinë në të njëjtën godinë si SPAK.
