Një sherr i dhunshëm ka ndodhur mes një shqiptari dhe një italiani në Montesilvano, Pescara, Itali.
Siç shkruajnë mediat italiane, sherri ka qenë shumë i dhunshëm dhe nuk ka përfunduar në tragjedi veç prej mbërritjes së policisë dhe autoambulancës.
Italiani mësohet se ka marrë ndihmën mjekësore, ndërsa shqiptari ka tentuar ti shpëtojë policisë duke u futur në det, me qëllim që të arratisej.
Duke pasur frikë për më të keqen, karabinierët kanë kërkuar ndihmën e rojeve bregdetare për të kapur dhe kthyer pas shqiptarin.
Ka qenë njeri prej tyre, i cili me një motor uji ka arritur atë dhe e ka kthyer në breg, ku është kapur nga policia.
Asnjëri prej tyre nuk ka dhënë dëshmi për policinë dhe kjo e fundit ka kërkuar ndihmën e dëshmitarëve për të zbardhur ngjarjen.
