Dhjetëra mijëra njerëz morën pjesë në protestat në Berlin kundër masave kufizuese të pandemisë së koronavirusit, pasi një gjykatë rrëzoi ndalimin e lëshuar nga autoritetet në kryeqytetin gjerman.
Organizatorët e protestës apeluan vendimin dhe ia arritën qëllimit duke e anuluar atë. Autoritetet rajonale të Berlinit tentuan të ndalojnë protestën.
Qeveria gjermane ka lehtësuar masat restriktive që nga fundi i prillit, por rregullat e distancës sociale mbeten në fuqi, si dhe mbajtja e maskës në trasportin publik dhe në dyqane.
Lufta e Gjermanisë kundër koronavirusit konsiderohet relativisht e suksesshme.
