“Shqiptarët në provincën serbe të Kosovës dogjën flamurin grek pas një ndeshje midis SC Gjilani dhe APOEL të Qipros”.
Mediar greke, ”greekcitytimes.com” ka raportuar lidhur me djegien e flamurit helen në Kosovë, duke dhënë edhe disa versione fyese për historinë dhe të kaluarën e popullit shqiptar.
Lidhur me ndeshjen, ekipit qipriot, APOEL i duhej koha shtesë për të mposhtur Gjilanin 2-0 në kryeqytetin e Kosovës, Prishtinë, për të kaluar në raundin e dytë kualifikues të Ligës së Evropës.
Sulmuesi kongolez Dumersi Endogala me një energji të mirë dhe një krosim të saktë në 102’, kur edhe i dha një gol të gatshëm Georgios Efrem. Dieumerci Ndongala vulosi debutimin e tij me një gol, pas një vendi të bukur, ai shënoi 0-2. Tomás De Vincenti bëri pasimin vertikal në të dy golat.
“Sidoqoftë, përkundër disfatës së tyre nga klubi i futbollit APOEL Nicosia, tifozët e Gilani nuk prishën planin e tyre për të djegur flamurin grek pas ndeshjes në Prishtinë”, sitohen në portalin grek, që më pas merr përsipër të bëjë edhe ‘historinë’ .
Ja çfarë thotë media greke më tej mbi ngjarjen:
Tifozët e Gjilanit që e quanin veten “Skifterët”, brohorisnin pas ndeshjes se “Kosova është zemra e Shqipërisë”, dhe shpalosën flamurin grek, duke e djegur atë, si dhe xhiruan edhe video që e postuan në mediat sociale.
Pavarësisht heroizmit të figurës kombëtare shqiptare dhe udhëheqësit gueril anti-osman Gjergj Kastrioti, i njohur më shumë si Skënderbej, shqiptarët u bënë nënshtetas besnikë osmanë dhe u përdorën si kolonistë në zona më të paqëndrueshme dhe jo-besnike të perandorisë, veçanërisht në ato të banuara nga serbët, Bullgarët dhe Grekët.
Ata shpesh bëhen shumicë mbi banorët fillestarë, siç ka ndodhur në Kosovë.
Megjithëse ideja e një Shqipërie të Madhe mund të duket si një komplot i ekzagjeruar, për popullin serb kjo është diçka tjetër. Miti serb e gjen veten në Betejën e Kosovës 1389, ku përkundër guximit të tyre, Princi Serb Lazar Hrebeljanoviç u martirizua dhe forcat e tij u shpartalluan nga pushtuesit Osmanë.
Megjithëse serbët arritën sovranitetin mbi Kosovën me rënien e Perandorisë Osmane.
Rajoni tashmë ishte bërë shumicë shqiptare me urdhrin osman, për të dobësuar identitetin dhe dominimin serb në rajon.
Kosova u bë një rajon autonom i Serbisë pas themelimit të Jugosllavisë socialiste pas Luftës së Dytë Botërore dhe mbajti shumicën e saj shqiptare.
Vitet 1990 provuan se kjo ishte gjithmonë një pikë e dobët e Serbisë. Me ShBA që sponsorizoi shkatërrimin e dhunshëm të Jugosllavisë në fillim të viteve 1990, statusi i Kosovës u la i pazgjidhur, duke arritur kulmin në luftën e udhëhequr nga terroristët kundër shtetit Jugosllav (në të cilin Serbia ishte pasardhëse) në 1999”.
Ushtria Çlirimtare etnike-Shqiptare e Kosovës (UÇK-ja terroriste), mbahej në flamurin e “Skifterave” ndërsa digjej flamurin Grek. Ajo me mbështetjen e NATO-s dhe Republikës Shqiptare mundi forcat Jugosllave. Kombet e Bashkuara dhe NATO morën kontrollin e territorit, i cili përfundimisht shpalli pavarësinë më 2008. Që atëherë, Kosova nën sundimin shqiptar është bërë një ‘parajsë e kontrabandistëve’ të heroinës dhe një qendër për trafikimin e qenieve njerëzore, korrjen e organeve dhe trafikun e armëve”- thuhet në “historinë” që përpiqet media greke të ushqejë ekstremizmin.
Djegja e flamurit grek është dënuar nga autoritetet e Kosovës, sikurse shihet si një rast sporadik, pa ndonjë lidhje mbi marrëdhëniet mes dy popujve.
