Dogana në Rinas u ka sekuestruar 42 mijë paund të padeklaruara dy udhëtarëve nga Britania e Madhe, ndërsa një hetim ka nisur për veprën penale “Mosdeklarimi i të hollave në kufi dhe sendeve me vlerë”.
Njoftohet se gjatë kontrollit të ushtruar, policia kufitare ka sekuestruar një shumë prej 41.850 Paund “Cash”, të cilat ishin të padeklaruara në Degën Doganore të Rinasit.
Gjatë kontrollit të pasagjerëve që vinin nga Britania e Madhe, u konstatua se E.K dhe L.S kishin të padeklaruara një sasi përkatësisht prej 10.000 paund dhe 31.850 paund.
Vetëm gjatë këtij muaji strukturat doganore, në të njëjtën linjë udhëtimi kanë kapur disa herë sasi valute “cash” të padeklaruar.
