Ish-pronari i 70-vjeçar i skuadrës Renault në kampionatin e garave Formula 1 Flavio Briatore, i njohur për lidhjet me vajza te reja të pasarelës, refuzoi sot zhurmat se është sëmurë rëndë me koronavirus, duke insistuar se vuan vetëm nga një inflamacion i prostatës.
Ai tha se ishte ende në pritje të rezultatit të testit të Covid-19 dhe mohoi raportimet se ishte dërguar me urgjencë në një spital në Milano.
Briatore është pronar i kompleksit ‘Billionaire’ në Sardenja i cili u mbyll pas një përhapje të rëndë të sëmundjes dhe kohët e fundit është ankuar për rivendosjen e masave të pjesshme të izolimit në Itali.
Briatore tha për Corriere della Sera: “Kam vetëm prostatë të rëndë. Të dielën isha në spitalin San Raffaele në Milano dhe ata më shtruan. Aty bera testin dhe nuk e di ende nëse jam pozitiv. Ndoshta është kështu, me gjithë atë erë që fryn në Sardenja”.
Don Zhuani italian ka luajtur një ndeshje futbolli javës që shkoi ku ishte dhe miku i tij, trajneri i skuadrës së Bologna, Sinisa Mihajlovic, i cili ka qenë pozitiv me Covid-19.
