Një i ri nga Vlora është vënë në pranga në kuadër të operacionit policor “Befasia”.
Gjatë kontrollit të ushtruar në banesën e A.Dh., 26 vjeç, u gjetën një armë zjarri kallashnikov, një sasi municioni luftarak prej 2395 fishekësh, si dhe një sasi lënde narkotike kanabis sativa. Ato u sekuestruan në cilësinë e provës materiale.
I riu akuzohet për veprat penale “Armëmbajtja pa leje” dhe “Prodhimi dhe shitja e lëndëve narkotike”.
