Një ngjarje e rëndë është shënuar këtë pasdite në Durrës. Raportohet se një 44-vjeçar i cili ishte futur në det duke u larë me të bijën, ka ndërruar jetë.
Sipas burimeve zyrtare, Dh.B., është mbytur, ndërsa e mitura 9 vjeç, mësohet se ndodhet në spital ku po merr trajtim mjekësor.
Njoftimi i Policisë:
Më datë 26.08.2020, rreth orës 18:00, në Rrushkull, Durrës, shtetasi Dh.B., 44 vjeç dhe shtetësja e mitur M.B., 9 vjeçe, (baba dhe vajzë), dyshohet se janë futur duke u larë në det, e për pasojë ka ndërruar jetë shtetasi Dh.B., ndërsa shtetësja M.B., ndodhet në spital nën kujdesin e mjekëve.
Grupi hetimor dhe shërbimet e Policisë, ndodhen në vendngjarje dhe po punojnë për zbardhjen e rrethanave të ngjarjes.
