Adelina Tahirin vijon të mbetet mjaft e dashur për publikun shqiptar edhe pse nuk ka qenë shumë aktive në muzikë.
Adelina ka gjetur një mënyrë se si të qëndrojë pranë fansave të saj, përmes rrjeteve sociale. Ajo është shumë aktive në profilin e “Instagram”-it ku nuk ngurron që të ndajë me ndjekësit momente nga jeta e saj private.
Së fundmi këngëtarja ka zbuluar se ndodhet me pushime dhe se po i shijon në maksimum. Ajo ndodhet së bashku me bashkëshortin 23 vite më të madh, avokatin Serjozha Markov.
Adelina ka postuar në “Instastory” një fotografi së bashku me Markov, ku i ky fundit shfaqet teksa përqafon këngëtaren. Çifti duket shumë i lumtur pranë njëri-tjetrit madje edhe shumë të dashuruar.
Këngëtarja është kritikuar shumë për martesën me Markov për shkak të moshës si dhe për faktin se nuk është shqiptar, por ajo është shprehur gjithmonë se tashmë nuk i interesojnë këto fjalë dhe se është shumë e dashuruar.
