Një numër rekord votuesish kanë marrë pjesë në sondazhin e hapur nga Boldnews.al, në lidhje me emrat e personave që qytetarët shqiptarët do të donin të ishin kandidatë për deputet në listën e Partisë Demokratike në zgjedhjet e vitit 2021.
Sondazhi i hapur në datë 4 gusht është mbyllur mesnatën e ditës së hënë në 24 gusht. Sondazhi ka marrë më shumë se 1.9 milionë klikime si dhe është votuar në më shumë se 250 mijë IP të ndryshme.
Pjesmarrjen më të lartë të votuesve në këtë sondazh e ka zënë qarku i Tiranës ku kanë marrë pjesë më shumë se 100 mijë qytetarë.
Ndërkohë që bie në sy edhe pjesmarrja e lartë e qytetarëve nga qarqet Fier, Durrës, Dibër, Shkodër dhe Elbasan.
Kujtojmë se sondazhi nuk synonte të ndikonte partinë politike përkatëse por për të parë mendimin dhe trendin e lexuesve të Boldnews.al.
Ditën e martë, redaksia e Boldnews.al do të publikojë të dhëna më konkrete për çdo qark dhe çdo kandidat të votuar dhe propozuar nga qytetarët.
Boldnews.al do të bëjë një analizë më të plotë të të gjithë sondazhit për të 12 Qarqet e vendit.
