Pamjet/ Përmbytje në Turqi, viktima e dëme të shumta materiale

Reshjet e shumta të shiut, në provincën Gerisun në rajonin e Detit të Zi në Turqi, kanë shkaktuar përmbytje të mëdha. Nga kjo katastrofë, 5 persona kanë humbur jetën dhe 11 të tjerë rezultojnë të humbur, ndërsa janë shkaktuar dëme të shumta materiale me shkatërrimin e qindra bizneseve e banesave.

Presidenti Recep Tayyip Erdogan tha se operacioni i shpëtimit është duke vazhduar punën dhe se deri më tani kanë arritur të shpëtojnë 150 persona. Ai u shprehu ngushëllime familjarëve të personave që humbën jetën, mes tyre dhe një oficer i xhandarmërisë.

LEXO EDHE  I kërkoi të “kandidonte” kundër tij për të ligjëruar zgjedhjet, pastruesja bëhet kryetare bashkie

Ndërsa ministri i Brendshëm, Suleyman Soylu, tha të dielën në mëngjes, pas përmbytjes, se ekipe të Autoritetit të Menaxhimit të Fatkeqësive dhe Emergjencave (AFAD) janë mobilizuar nga provincat përreth si dhe nga Ankaraja.