Një plagosje me thikë ka ndodhur këtë të Shtunë në një lokal në fshatin Spolatë të Divjakës. Burime zyrtare nga policia se është arrestuar autori i ngjarjes, Elidion Tarko, 30 vjeç, ndërkohë që i lënduari është transportuar në spital.
“Sot rreth orës 10:20, në një lokal në fshatin Spolatë, Divjakë, 30-vjeçari, banues në Gradishtë, për motive të dobëta, ka tentuar të vrasë duke e goditur me thikë shtetasin A.K., 34 vjeç, banues në Gradishtë. Menjëherë pas marrjes së njoftimit kanë shkuar shërbimet e policisë Divjakë bënë të mundur kapjen e autorit, i cili ishte larguar nga vendngjarja dhe ishte fshehur në një kanal”, njoftoi policia.
Në cilësinë e provës materiale shtuan të njëjtat burime, u gjet dhe u sekuestrua thika me të cilin autori kreu veprën penale
Ndërkohë, grupi hetimor po punon për zbardhjen e plotë të ngjarjes.
