Një 68-vjeçar është gjetur i mbytur në lumë, në periferi të Tiranës, orët e para të mëngjesit.
“Rreth orës 03:25, në lumë, në Mullet, është gjetur i mbytur shtetasi Sh.P., rreth moshës 68 vjeç”, njoftoi policia.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes, ku nga këqyrja paraprake nuk konstatohen shenja dhune dhe paraprakisht dyshohet se është mbytur aksidentalisht, shtuan të njëjtat burime.
