Në të ardhmen mund të shkruhet gjatë sesi pandemia e Covid-19 transformoi mënyrën e të punuarit. Teksa punonjësit i realizojnë detyrat nga shtëpia, ekspertët po kërkojnë që puna në zyrë të marrë fund. Një epokë e re e orareve fleksibël ka mbërritur.
Gjatë një dite rutinë detyrat përfshijnë takime, posta elektronike dhe kohë të konsiderueshme në ambientet e mbyllura të zyrës. Sipas Shkollës së Biznesit në Harvard, gjatë muajve të fundit, puonjësit kanë bërë më shumë video-konferenca sesa takime fizike.
Ata zbuluan se, krahasuar me nivelet e para-izolimit, numri i takimeve që një punëtor mesatar ka marrë pjesë është rritur me 13%. Kjo ndoshta sepse konferencat online, ndryshe nga ato të zyrave, nuk kufizohen nga hapësira. Një rreze shprese është se takimet janë më të shkurtra, me rreth 20% më pak, ose 12 minuta, mesatarisht. Europianët janë më të prirur se amerikanët për të shkurtuar takimet: tendenca më e lartë është në Bruksel, Oslo dhe Zyrih
A do të thotë mungesa e lëvizjeve se të punësuarit kanë më shumë kohë për veten e tyre?
Fatkeqësisht, jo, zbulojnë studiuesit.
Në një variant modern të Ligjit të Parkinsonit, orët e punës janë zgjeruar edhe më shumë. Mesatarisht, njerëzit kanë shtuar 48.5 minuta shtesë në ditë. Kjo kryesisht për shkak të një rritje prej 8% të numrit të postave elektronike të dërguara pas orarit normal të punës. Komunikimet nëpërmjet postës elektronike brenda orëve të punës është rritur gjithashtu, me sa duket si një zëvendësues për të folur ballë për ballë. /Economist
