Harry Maguire është arrestuar në Mykonos pas një grindjeje me disa turistë anglezë.
Sipas raportimeve në media, kapiteni i Mançhester United u shoqërua me pranga në duar nga policia ishullore pas përleshjes jashtë një bari në orët e para të mëngjesit.
Sipas njoftimeve të mediave lokale, mesfushori që vlen 85 milion paund i rezistoi arrestimit kur u përball me policët.
Pushuesit britanikë të përfshirë në konfrontim u dërguan gjithashtu në një stacion policie, raporton “Prototema”.
Një deklaratë nga Utd thoshte: “Klubi është i vetëdijshëm për një incident të dyshuar që ka përfshirë Harry Maguire në Mykonos mbrëmë. Kontakti është bërë me Harry dhe ai është duke bashkëpunuar plotësisht me autoritetet greke. Në këtë kohë ne nuk do të bëjmë asnjë koment tjetër.”
