SHBA/ Kalifornia vazhdon të shkatërrohet nga zjarret, 6 të vdekur dhe mbi 62 mijë të evakuuar

Vala ekstreme e nxehtësisë në shtet vazhdon, cilësia e ajrit ka arritur nivele të dëmshme për shëndetin e qytetarëve që tashmë janë duke kaluar testin me pandeminë koronavirus.

Temperaturat ferri që tejkalojnë 50 gradë celsius po e mbysin Kaliforninë veriore, në SHBA ku zjarret që kanë shpërthyer kanë krijuar një situatë dramatike.

Ajri i rëndë në disa qytete është gjithashtu një rrezik më shumë edhe për pacientët Covid.

Aktualisht në vend janë raportuar deri tani të paktën 6 viktima dhe më shumë se 62 mijë njerëz janë evakuuar nga shtëpitë e tyre teksa ekipet e zjarrfikësve po përpiqen të përmbajnë zjarret.

Sipas autoriteteve të forcave të ndërhyrjes së shpejtë, prej flakëve janë shkrumbuar më shumë se 1.600 kilometra katrorë sipërfaqë pyjore në Kaliforninë veriore dhe atë qendrore.

LEXO EDHE  Akuzohet për falsifikim e firmave në kontratën e kredisë, nën hetim noterja në Tiranë

Shkaku kryesor i shpërthimeve të zjarreve kanë qenë rrufetë, gati 11 mijë të tilla brenda disa ditësh.

Zjarret janë fuqizuar gjithashtu nga temperaturat e larta dhe u morën nga erërat e forta. Si edhe here të tjera në vitet e kaluara, ndër zonat më të prekura është veriu i shtetit, ku janë shkatërruar 50 struktura dhe janë plagosur disa dhjetra persona.

Sipas autoriteteve, zjarret po kërcënojnë rreth 25,000 struktura në Vacaville, ku edhe janë evakuuar mijëra njerëz.