Organizata Botërore e Shëndetit nuk ka dhënë një datë ekzakte se kur pritet të përfundojë Coronavirus, por e ka krahasuar me viruset e tjera që kanë pushtuar botën më herët.
Shefi i OBSH-së Tedros Adhanom Ghebreyesus shpreson se kriza e Coronavirus mund të përfundojë në më pak se dy vjet.
“Pandemia e gripit spanjoll në vitin 1918 zgjati dy vjet dhe më pas përfundoi”, tha ai.
“Por sot ndryshojnë gjërat, kemi më shumë teknologji, natyrisht më shumë qarkullim, virusi ka më shumë shanse për t’u përhapur, dhe mund të lëvizë shpejt,” tha ai.
Sipas raporteve më të fundit, më shumë se 22.81 milion njerëz janë infektuar nga koronavirusi në gjithë botën dhe 793,382 kanë vdekur.
