Një plagosje me armë zjarri ka ndodhur në Bishnicë të Pogradecit orët e para të mëngjesit. I lënduari ndodhet në spital jashtë rrezikut për jetën, ndërsa autori është identifikuar dhe shpallur në kërkim.
Sipas policisë, plagosja erdhi pas një konflikti të çastit.
Burime zyrtare bënë me dije se ngjarja ndodhi rreth orës 02:00, në një lokal në fshatin Bishnicë. “Pas një konflikti të çastit, Spartak Çela, rreth 35 vjeç, dyshohet se ka plagosur me armë zjarri tip automatik shtetasin Bledi Shahini, i cili aktualisht ndodhet në Spitalin e Pogradecit, jashtë rrezikut për jetën. Autori i dyshuar është larguar me shpejtësi nga vendngjarja, ndërkohë arma e zjarrit është gjetur dhe sekuestruar në cilësinë e provës materiale”, njoftoi policia.
Nga ana e Policisë, po punohet intensivisht për kapjen e shtetasit A. Ç., si edhe sqarimin e plotë të rrethanave të ngjarjes, shtuan të njëjtat burime.
