Tre punëtorë kanë humbur jetën gjatë dy javëve të fundit në vend, sipas njoftimeve nga policia.
Në shenjë reagimi, aktivistë të “Organizatës Politike” kanë hyrë në ambientet e Inspektoratit të Punës, në kryeqytet, duke zhvilluar një protestë disa minutëshe. Protestë që u shoqërua me momente tensioni.
Aktivistët kanë hedhur akuza për heshtjen e Inspektoratit të Punës lidhur me ngjarjet. Sipas tyre, institucioni shtetëror, është bashkëpunëtor në “vrasjen e punëtorëve”.
Përveç thirrjeve me megafon, ata kanë shkruar dhe ngjitur parulla në muret e institucionit.
Përgjatë disa çasteve ka pasur dhe një konflikt mes protestuesve dhe rojës së objektit i cili është përpjekur të largojë protestuesit. Ndërsa më pas, është përpjekur të pengojë protestuesit të largohen nga porta hyrëse e oborrit të institucionit.
Pas daljes nga godina, një tjetër person është konfliktuar fizikisht me një nga protestuesit pas replikave verbale.
“Më ruani k*in të gjitha, by**q*ra”, shprehet personi në fjalë.
Ndërsa një prej protestuesve i drejtohet me fjalët: Jeni bashkëpunëtorë në vrasjen e punëtorëve, turp t’ju vijë, hajduta, po pini birra gjakun e të tjerëve!
https://www.facebook.com/orgpol/videos/vb.117170505075144/314921702963217/?type=2&theater
