Zvicra ka përditësuar listën e shteteve, të cilat përbëjnë rrezik për lëvizje të qytetarëve si pasojë e pandemisë së CoVid-19.
Sipas autoriteteve helvetike, duke filluar nga data 20 gusht, në listën e zezë do të shtohen 12 shtete, duke përfshirë edhe Shqipërinë.
Kjo nënkupton që shtetasit shqiptarë dhe të vendeve të tjera të listuara, do të duhet të karantinohen për 10 ditë në rast të kalimit të kufirit.
Qeveria e Bernit vlerëson se në bazë të raportit epidemiologjik, 6 shteteve të tjera u hiqen kufizimet, në mesin e të cilave edhe Serbisë.
Rregullat e tjera për të hyrë në Zvicër janë:
- Pasja e një testi negativ Covid – por kjo nuk ju përjashton nga karantina e detyruar.
- Njoftimi dy ditë përpara i kantonit ku do të shkoni për arritjen tuaj. Në rast se ky hap nuk zbatohet, qytetarët do të duhen të karantinohen dy javë të plota.
Të gjithë ata që shkelin rregullat do të gjobiten me 10 mijë franga zvicerane.
Rastet aktive në vendin tonë, sipas përditësimit të fundit të të dhënave nga autoritetet shëndetësore, janë 3 551. Që nga fillimi i pandemisë, 51 860 persona janë infektuar me koronavirus. Betejën me sëmundjen e kanë humbur 232 vetë.
