Replika këtë të Martë mes Presidentit Ilir Meta dhe kryebashkiakut të Tiranës, Erion Veliaj.
Në një reagim më herët gjatë ditës, Meta dënonte mesazhet fyese të Erion Veliajt, i cili e quante “idiote” gazetaren Beti Njuma.
“Si President, por edhe si qytetar, jam sot me gazetaren Beti Njuma dhe familjen e saj të lënduar nga rrugaçëria e një pushteti të pacipë dhe brutal, por edhe me të gjithë kolegët e saj të cilët shantazhohen çdo moment”, u shpreh Meta në një reagim.
Nuk vonoi përgjigja e kryebashkiakut të Tiranës.
“Lajm i mirë që Ilir Meta ka marrë iniciativën për një media të re transparente dhe kritike me pushtetin. Ai ka jo vetëm lekët por dhe historinë e tij të 7 për qindshit, që mund ta mbajë gjallë këtë medie si me para ashtu dhe me permbajtje gjithë jetën! Suksese”, shkroi Veliaj në Twitter, duke publikuar dhe pamje nga video-përgjimi i Dritan Priftit ndaj Ilir Metës.
Repikat vijuan me reagimin e Tendi Blushit, zëdhënësin e Presidentit Ilir Meta.
Në një postim në FB, ai shkruan: Gjynah që Lali Fiku nuk vlen më as si gjethe Fiku për “tërmetet” e Bablokut!
