Tefik Osmani i ka dhënë fund karrierës futbollistike në moshën 35-vjeçare. Lajmin e ka konfirmuar vetë futbollisti, nëpërmjet një mesazhi në rrjetet sociale.
Në karrierën e tij në Shqipëri, Osmani luajti për Skënderbeun, Partizanin, Tiranën, Teutën, Bylisin, Tomorin, Elbasanin dhe Vllazninë, ndërsa ka pasur edhe një eksperiencë jashtë vendit me skuadrën e Metalurg Zaporozhe.
Postimi i Tefik Osmanit:
Si çdo fëmijë i vogël dhe unë kam pasur ëndërr qe te luaja futboll por këtë dite nuk e kisha ëndërruar kurrë… Mbaj mend shume gjera por momenti me i bukur është kur babai im me ka çuar me biçiklete te stadiumi Skënderbeut kur unë isha vetëm 8 vjeç, Nga ktu fillojnë ëndrrat e mia, kur luajta me Skenderbeun,Bylis,Tomorri,Elbasani,Metalurg Zaporozhe,Partizani,Tirana,Teuta,Vllaznia.
Emocion i madh ka qene kur vesha fanellën e kombëtares U15 U17 U19 U21 A te Shqipërisë. Dua te falënderoj te gjithë trajnerët qe me kane stërvitur dhe edukuar. Dua te falënderoj te gjithë Lojtaret qe un kam luajtur. Dua te falënderoj te gjithë Presidentet. Ne fund falënderoj te gjithë tifozat si ata qe me kane përkrahur por dhe ata kundërshtare pa ju kjo loje nuk do ishte kaq e bukur dhe me emocion.
