Ish-deputeti Genc Pollo e cilëson aspak serioze dhe reale deklaratën e bërë nga kryeministri Edi Rama, i cili në rolin e kreut të OSBE bënte thirrje për zgjedhje të lira dhe të ndershme në Bjellorusi.
Në postimin e tij Pollo ju ka sjellë edhe njëherë ndërmend shqiptarëve 15 kushtet e BE, ku më kryesori është vënia përpara drejtësisë e hajdutëve të votave në 2017-n, për të cilat ka edhe përgjime.
Pikërisht duke u nisur nga kushtet e BE-së, Pollo vë në diskutim serioz deklaratën e Ramës se mbështet zgjedhje të lira dhe të ndershme në Shqipëri.
Ja postimi i Pollos:
Shpresoj që OSBE të jetë e dobishme për popullin bjellorus, për të drejtat e liritë e qytetarëve të atij vendi. Ngjarjet në Minsk më kujtojnë Dhjetorin 1990!
Por prit! Të shohim aktualitetin me sy të hapur e me këmbë në tokë.
Kryetari i Rradhës i OSBE-së, zoti Rama bën thirrje për zgjedhje të lira e ndershme në Bjellorusi
A mërzitet kush po t’ju kujtoj një fakt: që Këshilli Europian (liderët e Bashkimit Europian) vuri kusht në prill të këtij viti që shokët e partisë së Kryetarit të Rradhës duhet tē dalin në gjyq për vjedhje votash. Ky është vetëm një ndër 15 kushtet për çeljen e negociatave
Mendoni për këtë kur të mendoni për apelin e zotit Rama ndaj zotit Lukashenka.
