Ndërsa Italia po mendon ta bëjë të detyrueshme vaksinën, kur të dalë, diskutime të shumta ka pasur në lidhje me këtë. Sot, virologia italiane, Ilaria Capua ka komentuar përplasjen mes atyre që janë pro dhe kundër detyrimit të vaksinës.
“Përmbledhja e përplasjeve të sotme. Ndërsa debatojmë nëse do ta bëjmë vaksinimin të detyrueshëm, ne kemi parasysh që nuk do të ketë mjaftueshëm për të gjithë. Prandaj, një plan për administrimin e saj është i nevojshëm urgjentisht për të ofruar mbrojtje strategjike për vendin dhe të synuar për ata në nevojë.”, shkroi Capua në Twitter.
Ndërsa javën e kaluar virologia tha se bota po rrezikohet nga një valë e dytë edhe më e keqe. Ajo bëri thirrje që të gjithë të respektojnë tri rregullat bazë për të ndaluar përhapjen, vendosja e maskës, distancimi social dhe higjiena. Virusi nuk është zhdukur tha Capua, ai ndryshon në varësi të personit që infekton.
